ကမ္ဘာ့နေပျော်စရာ အကောင်းဆုံးနိုင်ငံအဖြစ် နော်ဝေနိုင်ငံ ရပ်တည်လျက်ရှိ


National News Norway is the happiest nation on Earth, new report shows


နယူးယောက် ၊ ၂၁-၃-၂၀၁၇

နော်ဝေနိုင်ငံသည် ဒိန်းမတ်နိုင်ငံကို ကျော်လွန်ကာ ကမ္ဘာ့နေပျော်စရာ အကောင်းဆုံး နိုင်ငံအဖြစ် ရပ်တည်လျက် ရှိကြောင်း မတ် ၂ဝ ရက်တွင် ထုတ်ပြန်သော အစီရင်ခံစာ တစ်စောင်အရ သိရသည်။

နော်ဝေနိုင်ငံသည် နိုင်ငံသားများ၏ လူနေမှုဘဝ သာတူညီမျှရှိခြင်း၊ လူမှုဘဝယုံကြည်မှု တည်ဆောက်နိုင်ခြင်း တို့ကြောင့် ကမ္ဘာ့နေပျော်စရာ အကောင်းဆုံးနိုင်ငံ စာရင်းတွင် ထိပ်ဆုံးမှရပ် တည်ခြင်း ဖြစ်ကြောင်း ၂ဝ၁၂ ခုနှစ်တွင် ကုလသမဂ္ဂက စတင်သော လူထုအကျိုးပြု ကွန်ရက် SDSN မှထုတ်ပြန်သည့် ကမ္ဘာ့နေပျော်စရာ အကောင်းဆုံး ၂ဝ၁၇ ခုနှစ် အစီရင်ခံစာတွင် ဖော်ပြထားသည်။

ထို့အတူ ဆီးရီးယား၊ ယီမင် နှင့် ဆာဟာရ ဒေသရှိ နိုင်ငံများသည် ကမ္ဘာတွင်နေထိုင်၍ မကောင်းသော နိုင်ငံများအဖြစ် ရပ်တည်လျက် ရှိကြောင်း ကုလသမဂ္ဂမှ နှစ်စဉ်ထုတ်ပြန်မြဲ ဖြစ်သော ငါးကြိမ်မြောက် အစီရင်ခံစာတွင်ဖော်ပြထားသည်။

နေပျော်စရာ အကောင်းဆုံးနိုင်ငံ အဖြစ် ရပ်တည်ရန် အစိုးရအပေါ် ယုံကြည်မှုရှိရမည် ဖြစ်ပြီး မတရားမှုများ ဖြစ်ပေါ်မှုလျော့နည်း ရမည်ဖြစ်ကာ ဆင်းရဲချမ်းသာ ညီမျှမှုရှိရမည် ဖြစ်ကြောင်း ကုလသမဂ္ဂ အတွင်းရေးမှူးချုပ် ၏အထူးအကြံပေး SDSN မှ ညွှန်ကြားရေးမှူး ဂျက်ဖရေးဆက်ခ်ျ က တွေ့ဆုံမေးမြန်းခန်း တစ်ခုတွင် ပြောသည်။

ကမ္ဘာ့နေပျော်စရာ အကောင်းဆုံးနိုင်ငံ စာရင်း၌ ဒိန်းမတ်၊ ဆွစ်ဇာလန်၊ ဖင်လန်၊ နယ်သာလန်၊ ကနေဒါ၊ နယူးဇီလန်၊ သြစတြေးလျ၊ ဆွီဒင်နှင့် အိုက်စလန်နိုင်ငံ တို့က ထိပ်ဆုံး ၁ဝ နိုင်ငံတွင် အမြဲတစေ ရပ်တည်လျက် ရှိသည်။

ကမ္ဘာ့နေပျော်စရာ အကောင်းဆုံးနိုင်ငံများ စာရင်းတွင် ဂျာမနီနိုင်ငံက နံပါတ် ၁၆ နေရာတွင် ရပ်တည်ပြီး ဗြိတိန်က နံပါတ် ၁၉ ၊ ပြင်သစ်က နံပါတ် ၃၁၊ အမေရိကန် ပြည်ထောင်စု ကနံပါတ် ၁၄ နေရာတွင် အသီးသီး ရပ်တည်လျက် ရှိသည်ဟု သိရသည်။

#PyiChitThar

Share this

Related Posts

Previous
Next Post »

Label Pilihan