အိန္ဒိယနိုင်ငံ Dudhai ကျေးရွာတွင် သတ္တုမိုင်းတွင်း တူးဖော်သူများကို ဖမ်းဆီးထောင်ချရန် ပြင်ဆင်

ပြည်ချစ်သား 2:32 PM Add Comment



နယူးဒေလီ ၂၃-၅-၂၀၁၇

အိန္ဒိယနိုင်ငံ Gujarat ဒေသ Dudhai ကျေးရွာရှိ Dudhai Biodiversity Management Committee (BMC) အဖွဲ့အစည်းက ကျေးရွာပတ်ဝန်းကျင်တွင် သတ္တုမိုင်းတွင်း တူးဖော်ခြင်း လုပ်ငန်းများကို တင်းတင်းကြပ်ကြပ် တားမြစ်ထားပြီး သတ္တုမိုင်းတွင်း တူးဖော်သူများကို တရားစွဲကာ ထောင်ချပစ်သည်အထိ အရေးယူသွားရန် ပြင်ဆင်နေကြောင်း India Times သတင်းဌာနက မေလ (၂၂) ရက်နေ့တွင် ရေးသားဖော်ပြ သွားခဲ့သည်။ 

အိန္ဒိယနိုင်ငံ တစ်ဝှမ်း သစ်တောများ ထိန်းသိမ်းရန် မိုင်းတွင်းလုပ်ကွက်များကို ထိထိရောက်ရောက် အရေးယူရန်အတွက် လုပ်ဆောင်ရာတွင် Dudhai ကျေးရွာက ပထမဦးဆုံးပင် ဖြစ်ကြောင်း သိရသည်။

Dudhai Biodiversity Management Committee (BMC) ဥက္ကဌ ရာဂျက်ရ်ှမဲလ်က “ကျွန်တော် ကော်မတီက သစ်တောနဲ့ သဘာဝပတ်ဝန်းကျင်ကို ထိန်းသိမ်းသွားဖို့အတွက် ကျေးရွာဧရိယာအတွင်း သတ္တုမိုင်းတွင်း တူးဖော်ခြင်းကို တားမြစ်သွားဖို့ ဆုံးဖြတ်ခဲ့ပါတယ်၊ အစည်းအဝေးကျင်းပပြီးတော့ ကော်မတီဝင်တွေ သေချာစဉ်းစား ဆုံးဖြတ်ခဲ့ကြတာပါ၊ ပထမဦးဆုံးအနေနဲ့ မိုင်းတွင်းတူးဖော်ရေး လုပ်ကွက်တွေကို ရပ်ဆိုင်းဖို့အတွက် သတိပေးသွားမယ်၊ သတိပေးကာလကို ကျော်လွန်သွားလို့မှ မိုင်းတွင်း လုပ်ကွက်တွေ နောက်ထပ် လုပ်ကိုင်ဆောင်ရွက်နေမယ်ဆိုရင်တော့ ထောင်ထဲ ရောက်အောင် အရေးယူသွားမယ်၊ အခုလို ဆောင်ရွက်ဖို့အတွက် သစ်တောရေးရာဝန်ကြီးဌာနကလည်း ကျွန်တော်တို့ ကော်မတီနဲ့ ပူးပေါင်း ပါဝင်သွားမှာ ဖြစ်ပါတယ်” ဟုပြောကြားသွားခဲ့သည်။

၎င်းလုပ်ရပ်နှင့် ပတ်သက်ပြီး ဒေသခံ လယ်သမားတစ်ဦးက “အခုလိုမိုင်းတွင်း လုပ်ကွက်တွေကို တားမြစ်ဖို့ ဆုံးဖြတ်ခဲ့တာ အရမ်းကောင်းပါတယ်၊ တောင်သူလယ်သမား တွေအတွက်လည်း သတင်းကောင်းပါ၊ တစ်ခု ရှိတာကတော့ ဒေသခံ ရွာသူရွာသားတွေ အနေနဲ့ သစ်တောနဲ့ ပတ်သက်ပြီး အကျိုးအမြတ်ရှာဖွေ ခံစားခွင့်တွေ မရတော့ဘူးပေ့ါ” ဟုပြောကြားသွားခဲ့သည်။

#PyiChitThar

ကမ္ဘာမြေကြီးကို ထိန်းသိမ်းကာကွယ်ရန် ရုပ်ကြွင်းလောင်စာသုံး မော်တော်ယာဉ် များအစား စက်ဘီးပြောင်းစီးကြရန် ဂျာမနီ သုတေသီတစ်ဦးက တိုက်တွန်း

ပြည်ချစ်သား 2:30 PM Add Comment



ဘာလင် ၂၃-၅-၂၀၁၇

ဂျာမနီနိုင်ငံ ဘာလင်မြို့ရှိ သဘာဝပတ်ဝန်းကျင် ထိန်းသိမ်းရေးဆိုင်ရာ ကောလိပ်မှ မာသီးယပ်စ်ဂျုက ကမ္ဘာမြေကြီးအား ထိန်းသိမ်းကာကွယ်ရန် အတွက် ရုပ်ကြွင်းလောင်စာ အသုံးပြုသည့် မော်တော်ယာဉ်များ အစား စက်ဘီး ပြောင်းစီးကြရန် မေလ (၂၂) ရက်နေ့က တိုက်တွန်းပြောကြား သွားခဲ့သည်။

မာသီးယပ်စ်က ဥရောပ နိုင်ငံများအနေဖြင့် မြို့တွင်းသွားလာရေး၌ အများပြည်သူ သွားလာရေးအတွက် စီစဉ်ပေးထားသော မော်တော်ယာဉ်များ (သို့မဟုတ်) စက်ဘီးကို အသုံးပြုကြရန် တိုက်တွန်းခဲ့ခြင်း ဖြစ်ကြောင်းလည်း သိရသည်။

`မာသီးယပ်စ် ကိုယ်တိုင်လည်း နေအိမ်မှ ကောလိပ်သို့ သွားရာတွင် စက်ဘီးကို အသုံးပြုနေခြင်းဖြစ်ပြီး ဘာလင်မြို့သူမြို့သားများ အနေဖြင့် သဘာဝပတ်ဝန်းကျင် ထိန်းသိမ်းရေး ကောလိပ်မှ ဘုတ်အဖွဲ့ဝင် တစ်ဦးဖြစ်သူ မာသီးယပ်စ်မှာ စက်ဘီးစီး၍ ကျောင်းသွားကျောင်းပြန် လုပ်နေခြင်းကို အံ့သြသင့်နေကြ ကြောင်းလည်း သိရသည်။

မာသီးယပ်စ်အနေဖြင့် ငွေကြေးပြည့်စုံတစ်ဦး ဖြစ်ပြီး နောက်ဆုံးပေါ် မော်တော်ယာဉ်များကို အသုံးပြုနိုင်သော်လည်း ကမ္ဘာမြေကြီးအား ထိန်းသိမ်းကာကွယ် နိုင်ရေးအတွက် လုပ်ဆောင်သင့်သည့် အရာကို ရှေ့ဆောင် လမ်းပြအနေဖြင့် ဆောင်ရွက်ပြရန် ရည်ရွယ်ခြင်း ဖြစ်ကြောင်း သိရသည်။

မာသီးယပ်စ်သည် ဘယ်လ်ဂျီယံနိုင်ငံ့ ဘရုဆဲလ်မြို့ အခြေစိုက် Climate Action Network Europe အဖွဲ့အစည်းတွင်လည်း ဒါရိုက်တာ တစ်ဦးအဖြစ် ဆောင်ရွက်နေသူဖြစ်ပြီး မာသီးယပ်စ်က “ကျွန်တော်တို့ မိသားစုမှာလည်း မိသားစုအတွက် အသုံးပြုတဲ့ ဇိမ်ခံကားရှိပါတယ်၊ ဒါပေမယ့် ဒီကားကို ကျွန်တော် ကိုယ်တိုင်မောင်းတာ ရှားပါတယ်၊ ကျွန်တော့် ဇနီးကပဲ မောင်းလေ့ရှိပါတယ်၊ ပြီးတော့ ဒီကားကို တော်ရုံခရီးလောက်နဲ့ အသုံးမပြုပါဘူး၊ ကြာကြာနေမှ တစ်ခါလောက် ကားကို အသုံးပြုတာပါ၊ များသောအားဖြင့်သော စက်ဘီးပဲ သုံးတာများပါတယ်” ဟု ပြောကြား သွားခဲ့သည်။

မာသီးယပ်စ်က နိုင်ငံအလိုက် စက်ဘီးစီးသူ မြင့်မားလာစေရေးကို အာဏာပိုင်များကလည်း တိုက်တွန်းသွား သင့်ကြောင်း ထုတ်ဖော်ပြောကြား သွားခဲ့သည်။

#PyiChitThar

အနမ်းပိုးကြောင့် ဖြစ်သည့် Chagas ရောဂါ ထင်မှတ်ထားသည်ထက် ပိုမိုဆိုးရွားလာ

ပြည်ချစ်သား 2:29 PM Add Comment

ဘရာဇီးလီးယား ၂၃-၅-၂၀၁၇

အိပ်စက်နေသော လူတို့၏ နှုတ်ခမ်းနှင့် မျက်နှာတို့ကို ကိုက်ခဲပြီး အပေါက်ဖြစ်သွား သောအခါ မစင်စွန့်ခြင်းဖြင့် ခန္ဓာကိုယ်အနှံ့ Trypanasoma Cruzi ကပ်ပါးပိုးကို ကူးစေကာ Chagasa ရောဂါကို ဖြစ်စေသည့် အနမ်းပိုး (Kissing Bug) ၏ အန္တရာယ်ကို လျစ်လျူရှု ထားကြသည်က များနေသည့်အတွက် ရောဂါအခြေအနေမှာ ထင်မှတ်ထားသည်ထက် ပို၍ဆိုးရွားလာ နေပြီဖြစ်ကြောင်း ဘရာဇီးနိုင်ငံ Universidade de Sao Paulo မှသုတေသီများက ထုတ်ပြန် ကြေညာသည်။

Chagas ရောဂါကူးစက် ခံရလျှင် ဖြစ်ပေါ်လာသည့် လက္ခဏာများသည် ပြင်းထန်မှု မရှိခြင်း၊ အချို့လူများတွင်လည်း မည်သည့်ရောဂါ လက္ခဏာမျှမပြခြင်း အစရှိသည် တို့ကြောင့် လူအများက အနမ်းပိုးကို လျစ်လျူရှု ထားကြလေ့ ရှိကြောင်း၊ သို့သော် အနမ်းပိုးကူးစက် ခံရပြီးနောက် ဝေဒနာခံစားရပြီး သေဆုံးသူဦးရေမှာ တဖြည်းဖြည်းများလာ နေပြီဖြစ်ကြောင်း သုတေသီတစ်ဦး ဖြစ်သူ Dr. Ligia Capuani က ပြောပြသည်။

''အနမ်းပိုးကူးစက် ခံရပြီး Chagas ရောဂါဖြစ်ပွားရင် သေဆုံး တာများပါတယ်။ ချက်ချင်းသေဆုံး စေတဲ့ အရေးပေါ်အခြေအနေ မဟုတ်ပေမယ့် လူ့ဘဝသက်တမ်းကို တိုတောင်းစေမှာ အမှန်ပါပဲ။ ကိုယ့်ကို အနမ်းပိုး ကူးစက်ပြီလို့ သိလိုက်တာနဲ့ တစ်ပြိုင်နက် ဆေးကုသမှုခံယူဖို့ လိုအပ်ပါတယ်''ဟု ၎င်းက ဖြည့်စွက်ရှင်းပြသည်။

တောင်အမေရိကနှင့် ဗဟိုအမေရိကကဲ့သို့ ဒေသများတွင် ရောဂါရှာဖွေရေး ဌာနများ အလုံအလောက်မရှိခြင်းက အဓိကစိန်ခေါ်မှု ဖြစ်နေကြောင်း၊ ထို့ကြောင့်လည်း ၎င်းဒေသများတွင် ရောဂါမျိုးစုံဖြစ်ပွားမှု ပိုနေခြင်းဖြစ်ကြောင်း၊ များသောအားဖြင့် သွေးလှူဒါန်းရန် သွေးစစ်ဆေးမှု ခံယူမှသာ မိမိ၌ ရောဂါပိုး တစ်စုံတစ်ရာ ကူးစက်နေသည်ကို သိရှိကြ ခြင်းဖြစ်ကြောင်း သိရသည်။

#PyiChitThar

Bitcoin ဈေးနှုန်း ပထမဆုံးအကြိမ် ဒေါ်လာ ၂၀၀၀ ကျော်လွန်ခဲ့

ပြည်ချစ်သား 2:28 PM Add Comment

နယူးယောက် ၂၃-၅-၂၀၁၇

ကမ္ဘာတစ်ဝန်း အသုံးအများဆုံး ဒစ်ဂျစ်တယ်ငွေကြေး Bitcoin တစ်ယူနစ်၏ ဈေးနှုန်းမှာ ပထမဆုံးအကြိမ် ဒေါ်လာ ၂၀၀၀ ကျော်လွန်ခဲ့ကြောင်း အမေရိကန်အခြေစိုက် Bitcoin ငွေကြေးလဲလှယ်ရေး ကုမ္ပဏီများ ဖြစ်ကြသည့် Coinbase နှင့် Kraken တို့ က ထုတ်ပြန်သော အချက်အလက်များအရ သိရသည်။

Bitcoin တစ်ယူနစ်ရဲ့ ဈေးနှုန်းက ပထမဆုံးအကြိမ် ဒေါ်လာ ၂၀၀၀ ကျော်သွားပါပြီ။ ဒီဈေးနှုန်းနဲ့ ဆိုရင် Bitcoin ရဲ့  ဈေးကွက်တန်ဖိုး၊ တစ်နည်းအားဖြင့် ဈေးကွက်ထဲမှာ အရောင်းအ၀ယ် ဖြစ်နေကြတဲ့ Bitcoin ရဲ့  စုစုပေါင်း တန်ဖိုးဟာလည်း အမေရိကန် ဒေါ်လာ ၃၂.၉၃ ဘီလီယံ တန်ကြေး ရှိသွားပါပြီဟု Coinbase မှ တာဝန်ရှိသူ တစ်ဦးက ပြောပြသည်။

Bitcoinသည် သတ်မှတ်တန်ဖိုး တစ်ယူနစ်လျင် အမေရိကန်ဒေါ်လာ ၁၀၀၀ အမှတ်ကို ၂၀၁၃ ကတည်းက စတင်ကျော်လွန် ခဲ့ကြောင်း၊ သို့ သော် Bitcoin ဈေးကွက်အတွင်း မငြိမ်မသက် ဖြစ်ခြင်းကြောင့် မကြာခဏ ဆိုသလို ယူနစ်တန်ဖိုး ကျဆင်းခဲ့ကြောင်း၊ ငွေကြေးအသင်းအဖွဲ့ များက ထောက်ပံ့ထိန်းချုပ် ပေးခဲ့ရဖူးကြောင်း၊ တရုတ်နိုင်ငံကလည်း တည်ငြိမ်အောင် ပါဝင်ထိန်းချုပ်ပေးခဲ့ရာမှ ယမန်နှစ်က Bitcoin ၏ တစ်ယူနစ်တန်ဖိုးမှာ ဒေါ်လာ ၁၀၀၀ အမှတ်ကို ပြန်လည်ကျော်လွန် နိုင်ခဲ့ကြောင်း၊ ထိုစဉ်ကတည်းက Bitcoin ၏ တန်ဖိုးမှာ အတက်သာ ရှိခဲ့ရာ ၂၀၁၇ တွင် ပထမဆုံး အကြိမ်အဖြစ် ဒေါ်လာ ၂၀၀၀ ကျော်သွားခဲ့ခြင်း ဖြစ်ကြောင်း သိရသည်။

Bitcoin ဈေးနှုန်းက ဧပြီလကမှ ဒေါ်လာ ၁၃၄၃ ပဲ ရှိခဲ့ပါတယ်။ အခု ၃ပတ် အကြာမှာပဲ တန်ဖိုးက ၅၀ ရာခိုင် နှုန်းထက်မနည်း တက်သွားခဲ့ပါတယ်။ အရင်တစ်ပတ်ထဲမှာပဲ ၁၂ ရာခိုင်နှုန်း တက်သွားခဲ့တာပါဟု Bitcoin ကျွမ်းကျင်သူတစ်ဦးက ရှင်းပြသည်။

ကမ္ဘာတစ်ဝန်းတွင် ဒစ်ဂျစ်တယ်ငွေကြေး အမျိုးမျိုးကို သုံးစွဲလျက်ရှိရာ Bitcoin, Ripple, Ethereum အစရှိ သည်တို့  ဖြစ်ကြောင်း သိရသည်။

#PyiChitThar

Label Pilihan