ရေကြောင်းဆိုင်ရာ အငြင်းပွားမှုများနှင့် ပတ်သက်၍ တရုတ်နှင့် ဖိလစ်ပိုင်တို့ တိုက်ရိုက်ဆွေးနွေးမည်

ပြည်ချစ်သား 12:52 PM Add Comment

Located about 300 km (190 miles) southeast of Hainan in China, the country has had some presence on the island since 1956

မနီလာ ၊ ၃၀-၃-၂၀၁၇

တရုတ်နှင့် ဖိလစ်ပိုင်အစိုးရ တို့သည် ရေကြောင်းဆိုင်ရာ အငြင်းပွားမှုနှင့် ပတ်သက်၍ တိုက်ရိုက် ဆွေးနွေးပွဲများကို မေလတွင် ပြုလုပ်သွားမည် ဖြစ်ကြောင်း ဖိလစ်ပိုင် အာဏာပိုင်များက မတ် ၂၉ ရက်တွင် ထုတ်ပြန်သည်။

အိမ်နီးချင်းနိုင်ငံ များ၏ ကမ်းရိုးတန်းအနီး ဒေသများ အပါအဝင် တောင်တရုတ် ပင်လယ် ရေပိုင်နက်အားလုံး နီးပါးကို ၄င်းတို့ပိုင်ဆိုင် သည်ဟူသော တရုတ်၏ ပြောဆိုချက်ကို ကုလသမဂ္ဂ ထောက်ခံသည့် နိုင်ငံတကာ ခုံရုံးကပြီးခဲ့သည့်နှစ်တွင် ပယ်ချခဲ့ကြောင်း သိရသည်။

သို့သော် ၂ဝ၁၆ ခုနှစ်တွင် ဖိလစ်ပိုင်သမ္မတ အဖြစ် ရွေးကောက်ခံရသော ဒူတာတေ က တရုတ်နိုင်ငံမှ ငွေကြေး ရင်းနှီးမြှုပ်နှံမှုနှင့် ကုန်သွယ်ရေးမှ ဒေါ်လာ ဘီလီယံပေါင်း များစွာကို ရရှိရန်ကြိုးပမ်း နေသည့်အတွက် ယင်း စီရင်ချက်ကို ဘေးဖယ်ထားကာ တရုတ်နှင့် ပြန်လည် သင့်မြတ်မှုကိုသာ လုပ်ဆောင်ကြောင်း သိရသည်။

ရေကြောင်းဆိုင်ရာ ပဋိပက္ခနှင့် ဆက်စပ်နေသော ကိစ္စရပ်များကို ကိုင်တွယ်ဖြေရှင်းရန် အတွက် နှစ်နိုင်ငံ ဆွေးနွေးညှိနှိုင်းရေး လုပ်ထုံးလုပ်နည်း ဆိုင်ရာ ဆွေးနွေးပွဲကို မေလတွင် လက်ခံကျင်းပရန် တရုတ်အစိုးရက ယခုရက်သတ္တပတ် အတွင်း ကမ်းလှမ်းထားကြောင်း ဖိလစ်ပိုင်နိုင်ငံခြားရေး ဝန်ကြီးဌာနက ထုတ်ပြန်သည်။

တရုတ်အစိုးရ သည် နှစ်စဉ် ကုန်သွယ်မှု ဝင်ငွေ ဒေါ်လာ ၅ ထရီလီယံရှိသည့် တောင်တရုတ် ပင်လယ်ရေပိုင်နက် အားလုံးနီးပါးကို ပိုင်ဆိုင်ကြောင်း အခိုင်အမာ ပြောထားမှု အပေါ် ဘရူနိုင်း၊ မလေးရှား၊ တရုတ်(တိုင်ပေ)၊ဖိလစ်ပိုင်နှင့် ဗီယက်နမ် တို့က ကန့်ကွက်ပြီး ၄င်းတို့လည်း သက်ဆိုင်ရာ ရေပိုင်နက် အသီးသီးကို ပိုင်ဆိုင်ကြောင်း ပြောထားသည်။

#PyiChitThar

ဥရောပသမဂ္ဂမှခွဲထွက်ရေး တရားဝင် အကြောင်းကြားစာကို ဗြိတိန်ပေးအပ်

ပြည်ချစ်သား 12:49 PM Add Comment

Theresa May signs the letter to the EU confirming the UK's departure

လန်ဒန် ၊ ၃၀-၃-၂၀၁၇

ဥရောပသမဂ္ဂမှ တရားဝင်ခွဲထွက် နိုင်ရေးကို စတင်ရန်အတွက် ဗြိတိန်အစိုးရ၏ တရားဝင် အကြောင်းကြားစာ တစ်စောင်ကို ဥရောပသမဂ္ဂ ကောင်စီဥက္ကဋ္ဌ ထံသို့ ဗြိတိန်သံအမတ် က မတ် ၂၉ ရက်တွင် လွှဲပြောင်းပေးအပ် လိုက်ကြောင်း သိရသည်။

လစ်စဘွန်း သဘောတူညီချက်ပါ အပိုဒ်ခွဲ ၅ဝ ကိုစတင်မည့် အဆိုပါ တရားဝင် အကြောင်းကြားစာကို ဥရောပသမဂ္ဂ ဆိုင်ရာ ဗြိတိန်သံအမတ် ဆာတင်ဘာရိုး က ဥရောပသမဂ္ဂ ကောင်စီဥက္ကဋ္ဌ ဒေါ်နယ်တပ်စ် ထံသို့ ဒေသ စံတော်ချိန်မွန်းလွဲ ၁ နာရီ မိနစ်၂ဝ တွင် ပေးအပ်ခြင်း ဖြစ်သည်။

ဗြိတိန်အစိုးရ အနေဖြင့် လစ်စဘွန်း သဘောတူညီချက်ပါ အပိုဒ်ခွဲ ၅ဝ ကို စတင်လိုက်ခြင်းသည် နိုင်ငံအတွက် အဓိကကျသည့် အချိန်အခါ ဖြစ်ကြောင်းနှင့် ဗြိတိန်-ဥရောပသမဂ္ဂ တာဝန်ရှိသူ များအကြား ကိုယ်ပိုင် အကျိုးစီးပွားကို ကာကွယ်နိုင်ရန် အတွက် စေ့စပ် ဆွေးနွေးမှုများကို လုပ်ဆောင်သွားမည် ဖြစ်ကြောင်း ဗြိတိန်ဘဏ္ဍာရေး ဝန်ကြီး ဖိလစ်ဟမ်မွန် က ပြောသည်။

အဆိုပါ တရားဝင် အကြောင်းကြားစာကို ဗြိတိန်ဝန်ကြီးချုပ် ထရီဆာမေက မတ် ၂၈ ရက်တွင် လက်မှတ်ရေးထိုး လိုက်ခြင်းဖြစ်ကြောင်း သိရသည်။

#PyiChitThar

မက္ကဆီကိုမှ ကမ္ဘာ့အ၀လွန်ဆုံး အမျိုးသားကို ဆရာဝန်များက ခွဲစိတ်ကုသမည်

ပြည်ချစ်သား 12:46 PM Add Comment


မက္ကဆီကိုစီးတီး ၊ ၃၀-၃-၂၀၁၇

မက္ကဆီကိုနိုင်ငံမှ ကမ္ဘာ့အဝလွန်ဆုံး အမျိုးသား၏ ကိုယ်အလေးချိန်ကို လျှော့ချရန်အတွက် ဆရာဝန်များက လမ်းလွှဲ ခွဲစိတ်ကုသရန် ပြင်ဆင်လျက် ရှိကြောင်း သိရသည်။

ဆရာဝန်များသည် အသက် ၃၂ နှစ်ရှိ ဂျူအန်ပီဒရိုဖရန်ကို ကို လာမည့် မေ ၉ ရက်တွင် နှလုံးခွဲစိတ် ကုသရန် သတ်မှတ်ထားပြီး ဖြစ်သည်။

ဖရန်ကို သည် ယခင်က အလေးချိန်ပေါင် ၁၁ဝဝ ခန့်ရှိသော်လည်း ခွဲစိတ်ကုသမှု ခံယူရန်အတွက် ကိုယ်အလေးချိန် လျော့ကျစေရန် သုံးလကြာ ကြိုးပမ်းပြီးနောက် အလေးချိန် ၃၈၅ ပေါင်ခန့် လျော့ကျ လာကြောင်း သိရသည်။

ဖရန်ကို အနေဖြင့် ခွဲစိတ်ကုသမှု မခံယူမီ ၄င်း၏ ကိုယ်အလေးချိန် ၃ဝ ရာခိုင်နှုန်းခန့် လျော့ကျ လာခြင်းကြောင့် ခွဲစိတ်ကုသမှု ခံယူရန်အဆင်သင့် ဖြစ်နေပြီဖြစ်ကြောင်း ဆရာဝန် တစ်ဦးဖြစ်သည့် ဟိုဆေးအန်တိုနီ ယိုကက်စတာ နီဒါခရုဇ် က ပြောသည်။

ဖရန်ကို ၏ ကိုယ်အလေးချိန်သည် ကျဆင်းလာ သော်လည်း ခွဲစိတ်ကုသရာတွင် အခက်အခဲမရှိ လုပ်ဆောင်နိုင်မည်ဟု အာမခံနိုင်ခြင်း မရှိကြောင်း၊ သို့သော် ခွဲစိတ်ကုသမည့် လုပ်ငန်းစဉ်မှာ လမ်းကြောင်းမှန် ပေါ်သို့ ရောက်ရှိနေပြီဖြစ်ကြောင်း ဆရာဝန်များက ဆိုသည်။

ယခုပြုလုပ်မည့် လမ်းလွှဲ ခွဲစိတ်ကုသမှု သည် ဖရန်ကို ၏ ကိုယ်အလေးချိန် ၅ဝ ရာခိုင်နှုန်း ခန့် လျော့ကျလာစေရန် ကနဦးပြုလုပ်မည့် ကုသမှုဖြစ်ပြီး ၄င်းအနေဖြင့် လိုအပ်ပါက ဒုတိယအကြိမ် ခွဲစိတ်ကုသမှုကို ထပ်မံခံယူရဖွယ် ရှိကြောင်း သိရသည်။

#PyiChitThar

Sewol ကူးတို့ယာဉ်တွင် အရိုးစုများ တွေ့ရှိသည့်ကြေညာချက်နှင့် ပတ်သက်၍ အစိုးရတာဝန်ရှိသူများ ဝေဖန်ခံနေရ

ပြည်ချစ်သား 12:45 PM Add Comment



ဆိုးလ် ၊ ၃၀-၃-၂၀၁၇

ပြန်လည်ဆယ်ယူ ထားသည့် Sewol ကူးတို့ယာဉ်အတွင်းမှ အရိုးစုများတွေ့ရှိသည့် ကြေညာချက်နှင့် ပတ်သက်၍ တောင်ကိုရီးယား အစိုးရတာဝန်ရှိသူ များသည် မတ် ၂၉ ရက်တွင် သတင်းဌာနများ၏ ပြစ်တင်ဝေဖန်မှုကို ခံနေရကြောင်း သိရသည်။

အဆိုပါကူးတို့ယာဉ် နစ်မြုပ်မှုတွင် သေဆုံးသူများ၏ မိသားစုဝင်များက တောင်းဆိုသောကြောင့် ၄င်းကူးတို့ယာဉ်ကို အာဏာပိုင်များက ပြီးခဲ့သည့် ရက်သတ္တပတ်တွင် ပြန်လည်ဆယ်ယူ နိုင်ကြောင်း သိရသည်။

ကူးတို့ယာဉ် ဆယ်ယူရေး အလုပ်သမားများ တွေ့ရှိသည့် ယင်းအရိုးစုများသည် ယခုတိုင် ပျောက်ဆုံးနေသည့် အလောင်းများမှ အရိုးစုများ ဖြစ်နိုင်ကြောင်း ရေကြောင်း သွားလာရေး ဝန်ကြီးဌာနက မတ် ၂၈ ရက်တွင် ထုတ်ပြန်လိုက်ပြီး ယင်းကဲ့သို့ တွေ့ရှိမှုသည် ၄င်းတို့၏ မျှော်လင့်ချက်များ မြင့်တက်လာခြင်း ဖြစ်ကြောင်း ပြောဆိုထားသည်။

ယင်းနောက် နာရီပိုင်းအကြာတွင် အဆိုပါ ထုတ်ပြန်ချက် များကို ရုပ်သိမ်းလိုက်ပြီး ၄င်းအရိုးစုများသည် တိရစ္ဆာန်တစ်ကောင်၏ အရိုးစုများသာ ဖြစ်ကြောင်း အတည်ပြုလိုက်သည်။

အလားတူ မှုခင်းဆေးပညာ ဆိုင်ရာ ကျွမ်းကျင်သူများ ကလည်း ယင်း အရိုးစုများသည် ဝက်ခြေထောက် များသာ ဖြစ်ကြောင်း ပြောဆိုထားသည်။ ယင်းသို့ ထုတ်ပြန်မှု များကြောင့် အစိုးရတာဝန်ရှိသူ များသည် မီဒီယာများ၏ ပြစ်တင်ဝေဖန်မှု များကို ခံနေရခြင်းဖြစ်သည်။

ထို့ကြောင့် တောင်ကိုရီးယားနိုင်ငံ ၌ လွန်ခဲ့သော သုံးနှစ်အတွင်းက ဖြစ်ပွားသော ကူးတို့ယာဉ် နစ်မြုပ်မှုတွင် သေဆုံးသူ ၃ဝ၄ ဦးအနက် ကိုးဦး၏ ရုပ်အလောင်းများကို ယခုတိုင် မတွေ့ရှိ သေးကြောင်း သိရသည်။

#PyiChitThar

Label Pilihan