ဥရောပနိုင်ငံများအတွင်း စွမ်းအင်သုံးစွဲမှုကို ကန့်သတ်သွားမည်

ပြည်ချစ်သား 2:47 PM Add Comment


လန်ဒန် ၂၈-၆-၂၀၁၇

ဥရောပသမဂ္ဂ သဘာဝပတ်ဝန်းကျင် ထိန်းသိမ်းရေး အဖွဲ့အစည်းက ရာသီဥတုဖောက်ပြန်မှုကို ထိန်းချုပ်နိုင်ရေး အတွက် ဥရောပနိုင်ငံများ အတွင်း စွမ်းအင်သုံးစွဲမှုကို ကန့်သတ်သွားမည် ဖြစ်ကြောင်း ဇွန် ၂၆ ရက်က ထုတ်ပြန် ကြေညာခဲ့သည်။

ဥရောပသမဂ္ဂ သဘာဝပတ်ဝန်းကျင် ထိန်းသိမ်းရေး အဖွဲ့အစည်းသည် ပဲရစ်ညီလာခံ သဘောတူညီချက်မှ ဒေါ်နယ်ထရန့် နုတ်ထွက်သွားခဲ့ပြီး နောက်ပိုင်း ကမ္ဘာ့သဘာဝပတ်ဝန်းကျင် ထိန်းသိမ်းရေး ဆိုင်ရာလုပ်ငန်းစဉ်များ၌ အားတက်သရော ပါဝင်လုပ်ဆောင်လာသည့် အဖွဲ့အစည်းတစ်ခုဖြစ်ပြီး ဇွန် ၂၆ရက်က လူဇင်ဘတ်နိုင်ငံတွင် ရာသီဥတုဖောက်ပြန်မှု ထိန်းချုပ်ရေးဆိုင်ရာ အစည်းအဝေးပွဲတစ်ရပ်ကို ဦးဆောင်ကျင်းပ ပြုလုပ်ခဲ့သည်။

ထိုအစည်းအဝေးပွဲ၌ စွမ်းအင်သုံးစွဲမှု ကန့်သတ်သွားရေးစီမံချက်ကို အကောင်အထည်ဖော်ရန် တက်ရောက်လာသော ကမ္ဘာ့နိုင်ငံအသီးသီးမှ ကိုယ်စားလှယ်များနှင့် သဘောတူညီမှု ရရှိခဲ့ခြင်းဖြစ်ကြောင်း သိရသည်။

''တကယ်လို့များ ဒီအစည်းအဝေးပွဲမှာ သဘာဝပတ်ဝန်းကျင် ထိန်းသိမ်းရေးနဲ့ ပတ်သက်ပြီး သဘောတူညီမှု တစ်စုံတစ်ရာ မရခဲ့ဘူးဆိုရင် ဥရောပသမဂ္ဂရဲ့ ရာသီဥတုဖောက်ပြန်မှု ထိန်းချုပ်ရေး ပေါ်လစီဟာ စာရွက်ပေါ်မှာပဲ ရှိနေမယ့် ပေါ်လစီတွေဖြစ်သွား လိမ့်မယ်''ဟု ဥရောပသမဂ္ဂ စွမ်းအင်ဆိုင်ရာ ကော်မရှင်နာတစ်ဦး ဖြစ်သည့် မီဂွေးလ်က သုံးသပ်ပြော ကြားခဲ့သည်။

အစည်းအဝေး သဘောတူညီချက်အရ စွမ်းအင်သုံးစွဲမှု ကန့်သတ်သွားရေး စီမံချက်ကို ၂ဝ၂၁ ခုနှစ်တွင် စတင်အကောင်အထည် ဖော်မည်ဖြစ်ပြီး ၂ဝ၃ဝပြည့်နှစ် အတွင်း စွမ်းအင်သုံးမှုကို မူလပမာဏထက် ၁ ဒသမ ၅ ရာခိုင်နှုန်း လျှော့ချသွားမည် ဖြစ်ကြောင်း သိရသည်။

#PyiChitThar

Greenland ရေခဲပြင် အရည်ပျော်ကျမှုကြောင့် ပင်လယ်ရေမျက်နှာပြင် ၂၅ ရာခိုင်နှုန်းထိ မြင့်တက်ဖွယ်ရှိနိုင်ဟု သုတေသီများက ထုတ်ပြန်

ပြည်ချစ်သား 2:46 PM Add Comment


ကိုပင်ဟေဂင် ၂၈-၆-၂၀၁၇

အာတိတ်သမုဒ္ဒရာနှင့် အတ္တလန္တိတ်သမုဒ္ဒရာ တို့ကြားတွင် ရှိသည့် ဒိန်းမတ်နိုင်ငံ၏ ဧရိယာတစ်ခု ဖြစ်သော Greenland ရေခဲပြင်တွင် ရေခဲပြင်အရည်ပျော်ကျမှုများကြောင့် အာတိတ်သမုဒ္ဒရာ၊ အတ္တလန္တိတ်သမုဒ္ဒရာတို့နှင့် ဆက်စပ်နေသော ပင်လယ်များတွင် ပင်လယ်ရေမျက်နှာပြင် ၂၅ရာခိုင်နှုန်းထိ မြင့်တက်ဖွယ်ရှိနိုင်ကြောင်း အောက်စ်ဖို့ဒ်တက္ကသိုလ်မှ သုတေသီများက ယနေ့တွင် ထုတ်ပြန်ကြေညာခဲ့သည်။

မြင့်တက်လာ နိုင်ဖွယ်ရှိသည့် ပင်လယ်ရေမျက်နှာပြင် ပမာဏမှာလွန်ခဲ့သော နှစ်ပေါင်း ၂ဝကထက် ၂၅ ရာခိုင်နှုန်းထိ မြင့်တက်ဖွယ် ရှိနေကြောင်း သိရသည်။

ပင်လယ်ရေမျက်နှာပြင်များ မြင့်တက်လာဖွယ် ရှိနေသောကြောင့် ကမ်းခြေဒေသနှင့် မြစ်ဝကျွန်းပေါ် ဒေသများတွင် နေထိုင်သည့် လူသားများအတွက် သဘာဝဘေး အန္တရာယ်များနှင့် ဆိုးဆိုးရွားရွား ရင်ဆိုင်လာရဖွယ် ရှိနေကြောင်း သုတေသီများက ပြောကြားခဲ့သည်။

ကမ္ဘာတစ်ဝန်းလုံးတွင် မြစ်ဝကျွန်းပေါ်ဒေသများ၌ နေထိုင်သော လူဦးရေမှာ သန်းပေါင်းရာနှင့်ချီ ရှိသောကြောင့် Greenland ရေခဲပြင် အရည်ပျော်ကျမှုသည် လူ့အသက်ပေါင်းများစွာကို အန္တရာယ်ပေးနိုင်ကြောင်း သိရသည်။

''သုတေသီအဖွဲ့ရဲ့ ရလဒ်က လူသားတွေအတွက် တော်တော်ကို အရေးပါတယ်။ ရှေးအယူအဆနဲ့ ကြည့်မယ်ဆိုရင်တောင် ဆယ်စုနှစ်တစ်စုပြီးတိုင်း ပင်လယ်ရေ မျက်နှာပြင်တွေက တစ်စထက်တစ်စ မြင့်တက်လာတာကို တွေ့ရတယ်။ အခုထုတ်ပြန်လိုက်တဲ့ သုတေသနရလဒ်ဟာ အများကြီးဖြစ်နိုင်ဖွယ် ရှိပါတယ်''ဟု အောက်စ်ဖို့ဒ်တက္ကသိုလ်မှ သမုဒ္ဒရာဆိုင်ရာ သုတေသီတစ်ဦးဖြစ်သည့် ပရော်ဖက်ဆာ ပီတာဝက်ဒ်ဟမ်က သုံးသပ် ပြောကြားခဲ့ကြောင်း သိရသည်။

#PyiChitThar

နသူလာတောင်ကြားဒေသမှ အိန္ဒိယတပ်ဖွဲ့ဝင်များကို ရုပ်သိမ်းပေးရန် တရုတ်တောင်းဆို

ပြည်ချစ်သား 2:45 PM Add Comment


ပေကျင်း ၂၈-၆-၂၀၁၇

နသူလာတောင်ကြားဒေသရှိ အိန္ဒိယနယ်ခြားစောင့် တပ်ဖွဲ့ဝင်များသည် တရုတ်ဘက် အခြမ်းရှိ ပုံမှန်လှုပ်ရှားမှုများကို အနှောင့်အယှက် ဖြစ်စေသည့်အတွက် ၎င်းတို့ကိုချက်ချင်း ရုပ်သိမ်းပေးရန် တရုတ်တာဝန်ရှိသူ များက အိန္ဒိယကို တောင်းဆိုလိုက်ကြောင်း သိရသည်။

အိန္ဒိယကလည်း မကြာသေးမီက တရုတ်စစ်ဘက်သည် ၎င်းတို့၏ နယ်နိမိတ်အတွင်းသို့ ကျူးကျော်ဝင်ရောက် နှောင့်ယှက်သည်ဟု စွပ်စွဲထားသည်။

နယ်စပ်ဒေသဖြစ်သော နသူလာတောင်ကြားဒေသကို အိန္ဒိယမှ ဟိန္ဒူနှင့် ဗုဒ္ဓဘာသာဝင်များက တိဗက်ဒေသသို့ ဝတ်ပြုခြင်းနှင့် ဘုရားဖူးသွားရာတွင် အသုံးပြုကြောင်း သိရသည်။

၁၉၆၇ ခုနှစ်မှစ၍ အဆိုပါဒေသနှင့် ပတ်သက်ပြီး တရုတ်နှင့် အိန္ဒိယတို့အကြား ပဋိပက္ခများသည် ယခုအချိန်ထိ ဖြစ်ပွားလျက်ရှိ ကြောင်းသိရသည်။

မကြာသေးမီက ဖြစ်ပွားသည့် နှစ်နိုင်ငံအကြား နောက်ဆုံးတင်းမာမှုသည် ပြီးခဲ့သည့်နှစ်များအတွင်း အပြင်းထန်ဆုံး တင်းမာမှုတစ်ခု ဖြစ်ကြောင်း BBC သတင်းဌာနက ထုတ်ပြန်သည်။

အဆိုပါတင်းမာမှုများသည် နယ်စပ်ဒေသ ငြိမ်းချမ်းရေးကို ခြိမ်းခြောက်နေသည်ဟု တရုတ်တာဝန်ရှိသူများက အိန္ဒိယနိုင်ငံကို သတိပေးထားကြောင်း Reuters သတင်းဌာနက ဖော်ပြထားသည်။

ထို့ပြင် အိန္ဒိယတပ်ဖွဲ့ဝင်များက တရုတ်ဘက်အခြမ်း၌ ဖောက်လုပ်နေသောလမ်းမှာ ၎င်းတို့၏နယ်နိမိတ် ဖြစ်ကြောင်းပြောဆိုကာ နှောင့်ယှက်မှုများ ရှိနေကြောင်း တရုတ်အစိုးရက စွပ်စွဲထားသည်။

အဆိုပါစွပ်စွဲချက်နှင့် ပတ်သက်၍ အိန္ဒိယတာဝန်ရှိသူများက မည်သည့်မှတ်ချက် ပြုစကားမျှ ပြောဆိုထားခြင်းမရှိကြောင်း သိရသည်။

#PyiChitThar

နျူကလီးယားဓာတ်ပေါင်းဖို စီမံကိန်းနှစ်ခုကို တောင်ကိုရီးယားရပ်ဆိုင်းမည်

ပြည်ချစ်သား 2:43 PM Add Comment


ဆိုးလ် ၂၈-၆-၂၀၁၇

တောင်ကိုရီးယားနိုင်ငံအတွင်း တည်ဆောက်နေသည့် နျူကလီးယားဓာတ်ပေါင်း ဖိုစီမံကိန်းနှစ်ခုကို ရပ်ဆိုင်းမည်ဖြစ်ကြောင်း အစိုးရကဇွန် ၂၇ ရက်တွင် ထုတ်ပြန်သည်။

တစ်ပိုင်းတစ်စ ပြီးစီးနေပြီဖြစ်သည့် အဆိုပါဓာတ်ပေါင်းဖို စီမံကိန်းများကို ရပ်ဆိုင်းထားစဉ် အစိုးရအနေဖြင့် ဓာတ်ပေါင်းဖိုစီမံကိန်းများ နှင့်စပ်လျဉ်း၍ ပြည်သူများ၏ သဘောထားဆန္ဒ ကောက်ယူ၍ စီမံကိန်းများကို ဖျက်သိမ်းသင့်၊မသင့်ဆုံးဖြတ်သွားမည်ဟု အစိုးရကထုတ်ပြန်သည့် ကြေညာချက်တွင် ဖော်ပြထားသည်။

အဆိုပါစီမံကိန်းများနှင့် စပ်လျဉ်း၍ အစိုးရကကော်မတီတစ်ရပ် ကိုဖွဲ့စည်းသွားမည် ဖြစ်ပြီး စီမံကိန်းများအား ဆက်လက် အကောင်အထည်ဖော်ရန်သင့်၊ မသင့်ကို သုံးလအတွင်း ဆုံးဖြတ်သွားမည် ဖြစ်သည်။ အစိုးရ၏အဆိုပါ လုပ်ဆောင်ချက်သည် နိုင်ငံအတွင်း နျူကလီးယားဘေးအန္တရာယ် ကင်းရှင်းရေးနှင့် စပ်လျဉ်း၍ ပြည်သူများက စိုးရိမ်မကင်းဖြစ်နေစဉ် အစိုးရအနေဖြင့် နျူကလီးယားဓာတ်ပေါင်းဖိုများကို ထပ်မံတည်ဆောက်ခြင်းနှင့် လက်ရှိအသုံးပြုနေသည့် ဓာတ်ပေါင်းဖိုများကို ထပ်မံသက်တမ်းတိုးခြင်း ပြုလုပ်မည်မဟုတ်ဟု သမ္မတမွန်ဂျေးအင်က ပြောပြီးနောက် ထွက်ပေါ်လာ ခြင်းဖြစ်သည်။

ရှင်ကိုရီအမှတ်-၅ နှင့် ရှင်ကိုရီအမှတ်-၆ အမည်ရှိ တည်ဆောက်လက်စ ဓာတ်ပေါင်းဖိုများသည် မြို့တော်ဆိုး၏ အရှေ့တောင်ဘက် ကီလိုမီတာ ၃ဝဝ အကွာရှိ ဘူဆန်မြို့၌တည် ရှိပြီး ၎င်းတို့ကို ၂ဝ၂၁ ခုနှစ်နှင့် ၂ဝ၂၂ ခုနှစ်တို့တွင် အသီးသီး အပြီးသတ် တည်ဆောက်ရန် စီစဉ်ထားခြင်း ဖြစ်သည်။

အဆိုပါဓာတ်ပေါင်းဖို စီမံကိန်းကို အစိုးရက ဖျက်သိမ်းလိုက်မည် ဆိုပါက လျော်ကြေးငွေအပါအဝင် ကုန်ကျစရိတ်မှာ ဝမ် ၂ ဒသမ ၆ ထရီလီယံ (ဒေါ်လာ ၂ ဒသမ ၃ ဘီလီယံ) အထိမြင့်တက် လာနိုင်သည်ဟု အစိုးရမူဝါဒ နှင့်ညှိနှိုင်းဆောင်ရွက် ရေးရုံးကထုတ်ပြန် ထားကြောင်း သိရသည်။

#PyiChitThar

Label Pilihan