Rafale တိုက်လေယာဉ် ၃၆ စင်းဝယ်ယူမည့် အစီအစဉ် အိန္ဒိယအစိုးရ အတည်ပြု

ပြည်ချစ်သား 11:21 AM Add Comment



နယူးဒေလီ ၊ ၂၃-၉-၂၀၁၆

အိန္ဒိယ တပ်မတော်သည် တရုတ်၏ ဒေသတွင်း လွှမ်းမိုးမှု မြင့်တက်လာ ခြင်းနှင့် ရင်ဆိုင် နေရချိန်တွင် စစ်ဘက်ကို အင်အားဖြည့်တင်း သည့်အနေဖြင့် Rafale တိုက်လေယာဉ် ၃၆ စင်းဝယ်ယူရန် တင်ပြထားမှုကို အစိုးရ အဖွဲ့က စက်တင်ဘာ ၂၁ ရက်တွင် အတည်ပြု ပေးလိုက်ပြီ ဖြစ်ကြောင်း သိရသည်။

အမေရိကန်ဒေါ်လာ ဘီလီယံပေါင်း များစွာ ကုန်ကျမည့် ပြင်သစ် နိုင်ငံထုတ် အဆိုပါ တိုက်လေယာဉ်များ ဝယ်ယူရန် ဝန်ကြီးချုပ် မိုဒီ ၏ အစိုးရအဖွဲ့မှ လုံခြုံရေးဆိုင်ရာ ကော်မတီက နယူးဒေလီမြို့၌ ပြုလုပ်သည့် အစည်းအဝေး တစ်ခုတွင် အတည်ပြုပေး ခဲ့ခြင်းဖြစ်ကြောင်း ကာကွယ်ရေး ဝန်ကြီးဌာနမှ အကြီးတန်း အရာရှိတစ်ဦး က ပြောကြားသည်။

ထို့ပြင် နှစ်နိုင်ငံ ကာကွယ်ရေး ဝန်ကြီးများ အနေဖြင့် စက်တင်ဘာ ၂၃ ရက်တွင် နယူးဒေလီမြို့၌ တွေ့ဆုံပြီး တိုက်လေယာဉ်များ ဝယ်ယူမှုအတွက် သဘောတူ စာချုပ်ကို လက်မှတ်ရေးထိုး သွားမည် ဖြစ်ကြောင်းနှင့် ယင်းစာချုပ် လက်မှတ်ရေးထိုး ပြီးမှသာ အသေးစိတ် အချက်အလက် များကို ထုတ်ပြန်သွားမည် ဖြစ်ကြောင်း အဆိုပါ အမည်မဖော်လိုသူ အရာရှိကြီးက AFP သတင်းဌာနသို့ ပြောကြား ထားသည်။

ထို့ပြင် ယခုလ အစောပိုင်းက တရုတ်နိုင်ငံ၌ ပြုလုပ်သည့် G-20 အစည်းအဝေးတွင် ဝန်ကြီးချုပ် မိုဒီ က ပြင်သစ်သမ္မတ ဖရန်ဆွာဟော်လန်ဒ် နှင့်တွေ့ဆုံစဉ် ယင်း တိုက်လေယာဉ်များ ဝယ်ယူရေးအတွက် မူအားဖြင့် သဘောတူညီ ခဲ့ခြင်းဖြစ်သည်။ အဆိုပါ သဘောတူ စာချုပ် လက်မှတ်ရေးထိုးရန် အတွက် ပြင်သစ် ကာကွယ်ရေး ဝန်ကြီး လီဒရိုင်ယန် အနေဖြင့် စက်တင်ဘာ ၂၃ ရက်တွင် အိန္ဒိယနိုင်ငံ သို့သွား ရောက်မည် ဖြစ်ကြောင်း ပြင်သစ် အစိုးရအဖွဲ့က အတည်ပြု ထုတ်ပြန် ထားသည်။

ယင်းဝယ်ယူမှုနှင့် ပတ်သက်၍ နှစ်ဖက်စလုံးက အသေးစိတ် ထုတ်ပြန်ထားခြင်း မရှိသော်လည်း အဆိုပါ လေယာဉ် ၃၆ စင်းအတွက် စုစုပေါင်း တန်ဖိုးမှာ အမေရိကန် ဒေါ်လာ ၈ ဒသမ ၉ သန်းခန့် ရှိမည်ဖြစ်ကြောင်း PTI သတင်းဌာန က ဖော်ပြထားသည်။

အိန္ဒိယနိုင်ငံသည် Rafale တိုက်လေယာဉ် စုစုပေါင်း ၁၂၆ စင်း ဝယ်ယူရေး အတွက် ၂ဝ၁၂ ခုနှစ် ကတည်းက စတင်လုပ်ဆောင် ခဲ့ခြင်း ဖြစ်သော်လည်း ငွေကြေး ကုန်ကျမှုနှင့် ပြန်လည် တပ်ဆင်ခြင်း ဆိုင်ရာ အခက်အခဲ များကြောင့် ယခုမှ ၃၆ စင်းသာ ဝယ်ယူရန် အတည်ပြုခဲ့ခြင်း ဖြစ်သည်။

India and France to Finalize $8.9 Billion Deal for 36 Rafales

#PyiChitThar

ရေလွှမ်းမိုးဒဏ်သင့် မြောက်ကိုရီးယား ကို မည်သည့်အကူအညီမျှ ပေးမည်မဟုတ်ဟာ တောင်ကိုရီးယား ပြောကြား

ပြည်ချစ်သား 11:19 AM Add Comment


ဆိုးလ် ၊ ၂၃-၉-၂၀၁၆

ရေလွှမ်းမိုး ဒဏ်သင့် မြောက်ကိုရီးယား နိုင်ငံကို မည်သည့် ကူညီထောက်ပံ့ရေး ပစ္စည်းမျှ ပေးအပ်သွားမည် မဟုတ်ကြောင်း တောင်ကိုရီးယား နိုင်ငံခြားရေး ဝန်ကြီးဌာနက ပြောကြားခဲ့သည် ဟု Yonhap သတင်းဌာန က စက်တင်ဘာ ၂၂ ရက်တွင် ဖော်ပြ ထားသည်။

''မြောက်ကိုရီးယား က သူ့နိုင်ငံအတွင်းမှာ ရေလွှမ်းမိုးမှုတွေ ဖြစ်နေတာ တောင်မှ ငါးကြိမ်မြောက် နျူက လီးယား စမ်းသပ်မှု လုပ်ဆောင်ဖို့ကိုပဲ ဦးစားပေးခဲ့ ပါတယ်။ သူ့ရဲ့ နျူကလီးယားနဲ့ ဒုံးကျည်များ စမ်းသပ်မှု ကုန်ကျစရိတ် စုစုပေါင်းဟာ အမေရိကန် ဒေါ်လာသန်း ၂ဝဝ ခန့်ရှိပြီး အဲဒီပမာဏက ရေလွှမ်း မိုးမှု ကြောင့် ဖြစ်ပေါ်လာတဲ့ ဆုံးရှုံးမှုတွေ ထက်တောင် ပိုမိုများပြား နေပါသေးတယ်'' ဟု တောင်ကိုရီးယား နိုင်ငံခြားရေး ဝန်ကြီးဌာန ပြောရေးဆိုခွင့် ရှိသူ ဆန်နမ်ကွတ်ခ် က ပြောကြားသည်။

ဆက်လက်ပြီး ပြည်သူများ၏ အသက်အိုးအိမ် စည်းစိမ်ကို လျစ်လျူရှုကာ နျူကလီးယား နှင့်ဒုံးကျည် အစီအစဉ် ဖွံ့ဖြိုး တိုးတက်ရေး ကိုသာ ဦးစားပေး လုပ်ဆောင် နေသည့် မြောက်ကိုရီးယား နိုင်ငံ၏ လုပ်ရပ်သည် ခွင့်လွှတ်နိုင်ဖွယ် မရှိကြောင်း ဆန် က ဆက်လက် ပြောကြားသည်။

မြောက်ကိုရီးယား နိုင်ငံအနေဖြင့် ၄င်းတို့အတွက် အဆိုးဝါးဆုံး ရေလွှမ်းမိုးမှုကို ခံစားခဲ့ရပြီး လူပေါင်း ၁၃၈ ဦးသေဆုံးကာ ၄ဝဝ ကျော် ပျောက်ဆုံးလျက် ရှိကြောင်း ကုလသမဂ္ဂ က ခန့်မှန်း တွက်ချက် ထားသည်။ ထို့ပြင် ရေလွှမ်းမိုး မှုကြောင့် နေအိမ်အလုံး ၂ဝဝဝဝ ကျော် ပျက်စီးခဲ့ပြီး နိုင်ငံသား အများအပြားမှာ အိုးမဲ့အိမ်မဲ့ ဖြစ်ခဲ့ရကြောင်း သိရသည်။

မြောက်ကိုရီးယား အနေဖြင့် အကြီးမားဆုံးနှင့် အရှုပ်ထွေးဆုံး သော သဘာဝဘေး အန္တရာယ်နှင့် ရင်ဆိုင်နေရပြီး ထိုသို့ဖြစ်ပေါ် ခြင်းသည် ၄င်းနိုင်ငံအတွင်း နှစ်ပေါင်းများစွာ ကြာ ဖြစ်ပွားလျက် ရှိသော အစားအစာ ပြတ်လပ်မှုကို ပိုမိုဆိုးရွား စေနိုင်ကြောင်း ကမ္ဘာ့ ကြက်ခြေနီ အဖွဲ့က သတိပေး ပြောကြားထားသည်။

#PyiChitThar

အိန္ဒိယရေတပ်စခန်း အနီး လက်နက်ကိုင်လေးဦး တွေ့ရှိမှုကြောင့် လုံခြုံရေးတိုးမြှင့်ချထား

ပြည်ချစ်သား 11:16 AM Add Comment


မွမ်ဘိုင်း ၊ ၂၃-၉-၂၀၁၆

အိန္ဒိယနိုင်ငံ မွမ်ဘိုင်းမြို့အနီး အူရန်မြို့ ရှိ ရေတပ်စခန်း တစ်ခု၏ လက်နက်ခဲယမ်း သိုလှောင်ရာ နေရာအနီး တွင် အနက်ရောင် ဝတ်စုံ ဝတ်ဆင်ထားပြီး လက်နက်များ ကိုင်ဆောင်ထားသော အမျိုးသား လေးဦးကို တွေ့မြင်ခဲ့ ရကြောင်း ကျောင်းသားနှစ်ဦးက သတင်းပေးပို့ ခဲ့သဖြင့် လုံခြုံရေးကို အမြင့်ဆုံးအထိ သတ်မှတ်၍ လုံခြုံရေး တိုးမြှင့်ချထား ကြောင်း သိရသည်။

၎င်းလက်နက်ကိုင် များကို စက်တင်ဘာ ၂၂ ရက် ဒေသ စံတော်ချိန် နံနက် ၁၁ နာရီဝန်းကျင် က တွေ့ရှိခဲ့ခြင်း ဖြစ်ပြီး ၄င်းတို့သည် မျက်နှာဖုံးများ စွပ်ကာ အိန္ဒိယ ဘာသာစကား မဟုတ်သည့် အခြား ဘာသာစကား ကိုပြောကြားလျက် ရှိကြောင်း ကျောင်းသားနှစ်ဦး က စာသင်ကျောင်းမှ တာဝန်ရှိသူ များကို အသိပေး ပြောကြားခဲ့ခြင်း ဖြစ်သည်။

၎င်းတို့သည် ONGC နှင့် School ဟူသော စကားလုံးများကို ကြားသိခဲ့ ရကြောင်း ကျောင်းသားများက ပြောပြခဲ့သဖြင့် တာဝန်ရှိသူ များက ရဲတပ်ဖွဲ့သို့ အကြောင်းကြား ခဲ့သည်။

အဆိုပါ သတင်းမှာ အရေးကြီး သတင်းဖြစ်၍ နေရာအားလုံးတွင် လုံခြုံမှု ရှိအောင် လုံခြုံရေး ဆောင်ရွက်ချက် များကို စတင်လုပ်ဆောင် နေပြီဖြစ်ကြောင်း အကြီးတန်း အရာရှိတစ်ဦး က ဆိုသည်။

ထို့ပြင် အဆိုပါ လက်နက်ကိုင် လေးဦးကို တွေ့ရှိရန် အတွက် မဟာရက်ရ်ှထရာ အကြမ်းဖက် တိုက်ဖျက်မှုအဖွဲ့၊ ရေတပ်နှင့် ရဲတပ်ဖွဲ့တို့ ပူးပေါင်း၍ ရှာဖွေလျက် ရှိကြောင်း သိရသည်။

#PyiChitThar

မြောက်ကိုရီးယား ၏ လုပ်ရပ်များကို တားဆီးရေး နည်းလမ်းသစ် ရှာဖွေရန် ဂျပန်ဝန်ကြီးချုပ် က ကမ္ဘာ့နိုင်ငံများအား တောင်းဆို

ပြည်ချစ်သား 11:14 AM Add Comment


တိုကျို ၊ ၂၃-၉-၂၀၁၆

မြောက်ကိုရီးယားက နျူကလီးယား စမ်းသပ်မှုများနှင့် ဒုံးကျည်စမ်းသပ် ပစ်ခတ်မှုများကို ပြုလုပ်ခဲ့ပြီးနောက် ၄င်း၏ ခြိမ်းခြောက်မှု ဆန်သော လုပ်ရပ်များကို တားဆီးနိုင်ရေး နည်းလမ်းသစ် ရှာဖွေရန် ဂျပန် ဝန်ကြီးချုပ်
ရှင်ဇိုအာဘေး က ကမ္ဘာ့နိုင်ငံများအား စက်တင်ဘာ ၂၁ ရက်တွင် တောင်းဆိုခဲ့ကြောင်း သိရသည်။

နျူကလီးယားထိပ်ဖူး တပ်ဆင်နိုင်သော ဒုံးကျည်စမ်းသပ် ပစ်ခတ်မှုကို မြောက်ကိုရီးယား က နောက်ဆုံး အကြိမ် ပြုလုပ်ခဲ့ပြီးနောက် ယင်းနိုင်ငံအပေါ် ချင့်တွက်မှုများကို ပြောင်းလဲရန် လိုအပ်လာပြီ ဖြစ်ကြောင်း အာဘေးက ကုလသမဂ္ဂ အထွေထွေ ညီလာခံ၌ မိန့်ခွန်းပြောကြား ရာတွင် ထည့်သွင်း ပြောကြားခဲ့ခြင်း ဖြစ်သည်။

နိုင်ငံတကာ အသိုင်းအဝိုင်းကို မြောက်ကိုရီးယား က ခြိမ်းခြောက်မှုများ ပြုလုပ်နေခြင်းမှာ ပိုမိုအားကောင်း လာကြောင်းနှင့် ယင်း ခြိမ်းခြောက်မှုများ ကိုလည်း အမှန်တကယ် ပြုလုပ်လျက် ရှိကြောင်း အာဘေး က ဆိုသည်။

အာဘေးက တိကျသော လုပ်ဆောင်ချက် များနှင့် ပတ်သက်၍ ရှင်းရှင်းလင်းလင်း ပြောကြားထားခြင်း မရှိသော်လည်း ဂျပန် အစိုးရအနေဖြင့် နည်းလမ်းသစ်များကို ရှာဖွေရာတွင် လုံခြုံရေး ကောင်စီ ၏ အမြဲတမ်း အဖွဲ့ဝင်နိုင်ငံ မဟုတ်သော အခွင့်အရေးကို အသုံးပြုသွားမည် ဖြစ်ကြောင်း ပြောကြား ထားသည်။

#PyiChitThar

Label Pilihan